BUNGE LA JAMII LAWAOMBA WATANZANIA KUWA WATULIVU MAENEO YAO YA KUPIGIA KURA ASUBUHI YA LEO

BUNGE LA JAMII TANZANIA




Bunge la jamii Tanzania kwa kushirikiana na wapenda amani wote nchini,Linawatakia wale wote wafanyao uchaguzi ufanyike kwa amani kabisa bila fujo yeyote.

Sanjali na hilo,Bunge la jamii limelaani matukio yote yaliyokuwa yakifanywa na wanasiasa vijana kuleta Fujo,kujeruhi wa upande mwingine na hata kusababisha wengi wao kuwa na alama za majeruhi.

Tunawaomba watanzania wote wawe watulivu katika maeneo yao hususani vijiji/wilaya zinazopiga kura,wapige kura kwa usalama kisha waludi majumbani kwao wasubiri matokeo.

Bunge la jamii,linaamini kuwa chaguzi zote zitaenda vizuri na yeyote atakae onekana kuleta fujo ,Bunge jamii linaunga mkono kushughurikiwa kwa watu hao.





©Bunge jamii

posted from Bloggeroid

WADAU WA BUNGE LA JAMII MOROGORO WAMWANDIKIA WARAKA RC KABWE,USAILI WA JKT

CHANGAMOTO KWA VIJANA WALIOPATA NAFASI YA KUINGIA KATIKA NGAZI YA USAILI WA KUJIUNGA NA JKT MKOA WA MOROGORO KUTOKA WILAYA MBALIMBALI ZA MKOA.


Mhe. Mkuu wa Mkoa tumekutana na changamoto kutoka kwa baadhi ya vijana wa Mkoa wetu ambao wako hapa kwaajili y usaili wa kujiunga na JKT ambapo kutokana na kujitolea wamekuwa wakikaa katika nyumba za kulala wageni na kujitegemea chakula tangu Tarehe 16/11/2017
Mpaka sasa bado taratibu zinaendelea lakini wameambiwa kusubiri hatua ya vipimo.

Sisi ni vijana tulioko mkoani morogoro kwa ajili ya usaili wa jeshi la kujenga taifa(jkt) tunaowakilisha wilaya mbalimbali ambapo kwa sasa tupo mkoani na tunaendelea vizuri,ila tunakabiliwa na changamoto ambazo ziko juu ya uwezo wetu kama CHAKULA na KODI ya mahala tunapokaa, tumejalibu kusaidiana sisi kwa sisi kama kuchangiana chakula na kodi lakini bado tunakwama kulingana na hali zetu especial watoto wa kike hali zao sio nzuri kabisa .kwa umoja wetu tunawaomba ndugu zetu mtusaidie.

NIMANENO YA MMOJA WA VIJANA AKIELEZA
Mhe. Mkuu wa Mkoa na pia Mwenyekiti wa Kamati ya ulinzi na usalama
Vijana wako wa Bunge la Jamii Mkoa wa Moro team yako ya kazi Tunaomba sana utusaidie vijana wenzetu zoezi lao liende kwa haraka kiasi ili walau warudi majumbani siku si nyingi au VILE UTAKAVYOONA INAPENDEZA BABA YETU
AHSANTE SANA



© wadau wa Bunge la jamii

posted from Bloggeroid

KANUNI ZA KIMAISHA ZITAKAZOKUFANYA UFIKIE MAFANIKIO YAKO YA KIMAISHA

Toleo la 7 la Tarehe 23/11'2017







Mwendelezo wa makala za harakati za kimapinduzi Ya kifikra

KANUNI ZA KIMAISHA ZITAKAZOKUFANYA UFIKIE MAFANIKIO YAKO YA KIMAISHA

Natumaini kuwa wasomaji wangu na watu wote wanaofutilia masomo haya kwa njia mbalimbali za kimitandao huko mliko hamjambo,mungu awabariki sana.

Kama ilivyo desturi yangu kuwa huwa naandaa na kurusha mitandaoni masomo haya usiku kwenye facebook na asubuhi kwenye blogs na groups Za whatsapp,leo narusha masomo haya nikiwa mjini magu hapa na kesho saa nne asubuhi ntakuwa nimewasili mjini mwanza mtaa wa California Kata Ya Nyegezi.

Naanzia ñilipoishia somo lililopita kwenye kanuni hii Ya kubana matumizi katika kipengele cha njia Ya kujilazimisha kubana matumizi ambayo ni Kupunguza mahitaji yote yasiyokuwa Ya lazima na yakikosekana hayawezi kuathiri maisha yako.

Leo naendelea na kanuni hii na ninaihitimisha kwenye kipengele hiki ambacho ni cha mwisho kwenye kanuni hii,kinaitwa *kuepuka kuhemea mahitaji Ya rejareja,jizoeze kuhemea mahitaji Ya jumlajumla*huenda haya maneno yasieleweke kwa haraka na kwa wepesi,lugha rahisi mahitaji Ya rejareja ni yale mtu ananunua kila siku kama ni mchele kwake wanakulaga kilo mbili kila siku ananunua kilo mbili hizo dukani,kama anapikiaga fanta moja ya mafuta Ya kula kila siku ananunua fanta moja dukani,kama ni mkaa wa Tsh elfu 1000 kila siku atanunua kijiweni mkaa wa elfu 1000,kama ni vitunguu na nyanya za Tsh elfu 1000 kila siku atanunua vitunguu na nyanya za elfu 1000,haya ndiyo mahitaji Ya rejareja.

Lakini mahitaji Ya jumla ni mahitaji ambayo mtu anunua vitu vingi kwa pamoja vya kutumia muda mrefu,matharani kama ni mchele hanunui kwa kilo bali mfuko mzima au gunia ,unga mfuko mzima,mkaa atanunua gunia,mafuta Ya kupikia dumu la lita 5 au10 n. K Kama ni nyanya au vitunguu ni tenga au kindoo cha vitunguu,haya ndiyo mahemezi Ya jumla jumla.

Tunafanya haya yote ili kutafuta unafuu wa maisha ili tufanikishe na mambo mengine Ya kimaisha isiwe siku zote wewe mafanikio yako ni hela Ya kula tu ila hela Ya kujenga na kuanzisha biashara huioni,sio kwamba haipo ipo lakini imemezwa na haya matumizi ukidhibiti matumizi kwa uaminifu utaiona hela yako inakuambia yenyewe kuwa ipo hapa ukaiweke akiba.

Ninahakika kwa watu ambao hawatachukulia mzaha masomo haya kwa maana Ya vitu vya mitandaoni tu havina maana yoyote vya watu waliokoswa kazi basi utabaki vilevile maana ukiugua kanuni Ya kupona ni kunywa dawa lakini kama hutaki dawa unataka ugonjwa ukuue,kwa wale ambao watafanyia kazi kwa uaminifu hata tusipoonana leo tutakujaga onana mtatoa ushuhuda.

Kuna Shida kubwa sana kwenye kona hii ya matumizi Ya reja reja kwa kuwa unanunua kwa hela kubwa na vinaisha siku hiyo hiyo kwa kuwa unaitoa hela uliyoitafuta siku hiyo au uliyo nayo mfukoni siku hiyo utaiona ndogo ila ukitaka kuijua kuwa ni kubwa kiasi gani andika tu kila siku mwisho wa mwezi jumlisha uone ni kiasi gani cha pesa kilichotumika kwenye hicho kitu.

Matharani familia yako huwa wanakula kilo mbili za unga mlo wa mchana,kila mchana ukitaka kusonga ugali unaenda kwa mangi au kwa muha akupe unga kilo mbili,kila kilo Tufanye elfu 1000 bila kujali dona au sembe,kilo mbili ni elfu 2000 siku moja kwa mwezi siku 30 ni elfu 60000,huu ni unga,kwa sasa debe la mahindi lina elfu 12000 kwa nini usinunue mahindi debe mbili kwa gharama ya elfu 24000 tu, ukisaga na kukoboa tufanye iwe elfu 27000 kwenye elfu 60000 inabaki elfu 33000,hapa umesaga unga wa kula zaidi Ya mwezi na umeokoa hiyo hela.

Mafuta Ya kupikia kila siku unatoa elfu 1000 hesabu Ya kawaida kabisa kwa mwezi ni elfu 30000,kwa nini usinunue dumu la lita 5 kwa elf 17000 ukaokoa elfu 13000 na mafuta ukatumia zaidi Ya mwezi,masomo haya wengi watasema tunajifunza uchoyo na ubahili,lakini ukweli tunajifunza strategies za maisha ili maisha yawe mepesi.

Mkaa kila siku unatoa elfu 1000 kwa mwezi ni elfu 30000 kwa nini usinunue gunia la mkaa elfu 45000 ukatumia miezi 3 kuliko elfu 30000 mwezi mmoja na miezi 3 ni elfu 90000 hapa utakuwa umeokoa elfu 45000.

Angalia Mchele kwa hesabu hizo hizo za kilo mbili kwenye familia yako kila siku kwa sasa mchele dukani kilo moja ni elfu 2000 kilo mbili ni elfu 4000 kwa mwezi ni laki 120000,kwa nini usinunue gunia kwa Tsh elfu 90000 ukalikoboa na utalitumia kwako zaidi Ya mwezi mmoja na ukawa umeokoa elfu 30000.

Hii ni mifano tu lakini hakikisha kila hitaji lako unaanza kujizoeza kufanya mahemezi Ya mahitaji yako Ya mwezi mzima ili kuokoa pesa kutumika nyingi,mahitaji Ya rejareja yanatumia hela kubwa sana ukija ukajumlisha kwa mwezi utapata umetumia gharama kubwa tofauti na mahemezi Ya mwezi mzima.

Usipofikia hatua ukakisumbua kichwa kuyabaini haya na ukaamua kudhibiti matumizi huenda ukatapatapa sana kimaisha mwisho wa siku utakutwa na uzee ukaanza kulaani bure hata wanao kuwa hawakujali kumbe ungetafutaga vyako ingali una nguvu uzee ungekukuta una akiba za kutosha.

Maisha ni kanuni ukikosea kanuni hutapata jibu sahihi,naishia hapa leo kesho naendelea na kanuni nyingine ya kimaisha,kazi yako nikunifuatilia mpaka ntakapohitimisha masomo haya yote,usiache kulike,kucomnent na kushare na nifuate facebook kwa kutuma ombi la urafiki ili uendelee kufuatilia mtiririko wa masomo haya yote.

Maoni yako 0717523952

Na mchambuzi wetu

Julius Mabula

posted from Bloggeroid

Mavunde awafanyia Makubwa wajasiria Mali Dodoma

MAVUNDE AWANEEMESHA WAJASIRIAMALI DODOMA

Mbunge wa jimbo la Dodoma mjini Anthony Mavunde leo amekabidhi mashine mbalimbali kwa wajasiriamali wa vikundi 31 na kuwataka kuhakikisha wanazitumia kwa kujiongezea kipato na kuenda sambamba na azma ya serikali ya awamu ya tano ya uchumi wa Viwanda.

Akizungumza na wanavikundi hao na wakazi wa Dodoma, Mavunde amesema mashine hizo zimenunuliwa kupitia fedha za mfuko wa jimbo na kwamba dhamira yake ni kuhakikisha wananchi wanajikwamua kiuchumi kwa kubadili maisha yao.

“Leo Tumegawa mashine hizi mkazitumie zibadilishe maisha yenu msizifungie stoo zikajaa vumbi na msipozitumia kwa malengo yaliyokusudiwa hamuwezi kufikia malengo yenu,Mashine hizi zikaunge mkono falsafa ya Rais ya uanzishaji wa viwanda ili kufikia uchumi wa viwanda,”amesema Mavunde

Hata hivyo amewahakikisha kuwa amejipanga kuhakikisha anawakwamua wananchi wake kiuchumi kupitia fursa mbalimbali na kwamba anakuja na mradi wa kuchimba mabwawa ya kufugia samaki.

“Kuna teknolojia imekuja ya kufuga samaki ambayo unaweza kufuga nyumbani, hiyo ndo mipango ya ofisi ya Mbunge ya kuwawezesha wananchi kiuchumi na pia kwa upande wa kilimo nimetafuta wataalamu kutoka India tunaangalia eneo la Nzasa kulitumia kwa majaribio ya kilimo cha mboga mboga na ufugaji samaki,”amesema

Mavunde amesema dhamira yake ni kuwafanya wananchi wa Dodoma wanufaike na ujio wa serikali mkoani humo kupitia fursa mbalimbali za kujikwamua kiuchumi.

Akizungumzia kuhusu kilimo cha Zabibu, Mavunde amewataka kuchangamkia fursa ya kilimo cha zabibu kwa kuwa ni fursa pekee ya kuikwamua kiuchumi Dodoma ikiwa ni pamoja na uanzishaji wa viwanda vidogo vya kukamua mchuzi wa zabibu.

“Maana kwasasa utambulisho wa Dodoma ni ombaomba na wavivu badala ya kutambulika kwa kilimo cha zabibu, ndugu zangu duniani kote Dodoma ni miongoni mwa maeneo yanayovuna zabibu kwa mwaka mara mbili ni vyema tukatilia mkazo kilimo hichi ili kuwa utambulisho wetu,”amesema

Mbunge huyo amesema kupitia mshahara wake anatarajia kununua mashine za kukamua mchuzi wa zabibu kutoka nchini Canada kwa kila kata kwa kuwa mchuzi huo una soko kubwa.

Amewahamasisha wananchi kupitia vikundi walivyo navyo kuendelea kuwasilisha maombi yao na Ofisi ya Mbunge itaendelea kununua mashine kwa awamu.

Naye, Mwakilishi wa Umoja wa wajasiriamali Silvesta Wambura amemshukuru Mbunge huyo kwa dhamira yake ya kuwainua kiuchumi na kudai kuwa amekuwa mkombozi wa wanadodoma.

Amesema Mbunge huyo ni chombo sahihi na mwenye ubinadamu na wananchi wana matarajio makubwa kupitia yeye.

Kwa upande wao, madiwani wa kata za jimbo hilo wamempongeza na kumshukuru Mavunde kwa dhamira yake ya kuwakwamua wananchi kiuchumi.

&&&&&&&&&&

posted from Bloggeroid

BUNGE LA JAMII LAMTUMIA SPIKA WA BUNGE LA TANZANIA SALAMU ZA POLE

Bunge la jamii Tanzania, limeshitushwa na msiba wa Mbunge wa jimbo la songea mjini mh Reonida Gama,

Tunatoa pole kwa Mh spika Jobu Ndugai na wabunge wa Bunge la Tanzania kufuatia kifo cha Mbunge Reonaida Gama.

Tutamkumbuka kwa mema yake aliyotenda huku akisimamia majukum yake vizuri hakika tumepoteza pengo kubwa," walisema viongozi wa Bunge la jamii"

Pamoja na hayo tunaungana na watanzania na familia ya marehemu katika kipindi hiki kigumu cha majonzi.


Mungu ibariki Tanzania na watu wake.



Deus Lugaila
Msemaji kiongozi Bunge la jamii Tanzania

posted from Bloggeroid